മദ്യനിരോധനം സമ്പൂർണം…

Posted: ഡിസംബര്‍ 31, 2014 in കാഴ്ചപ്പാട്

സമ്പൂർണ മദ്യനിരോധനം പ്രഖ്യാപിച്ച് കുടിയന്മാരെ പേടിപ്പിക്കുകയും പാവപ്പെട്ട വീട്ടമ്മമാരെയും കുഞ്ഞുങ്ങളെയും നാടിന്റെ സമാധാനം ആഗ്രഹിക്കുന്ന പൊതുജനത്തെയും കൊതിപ്പിക്കുകയും പിന്നീട് “പ്രായോഗിക” തീരുമാനമെടുത്ത് കുടിയന്മാരെ ആശ്വസിപ്പിക്കുകയും വീട്ടമ്മമാരെയും കുഞ്ഞുങ്ങളെയും പൊതുജനത്തെയും കബളിപ്പിക്കുകയും ചെയ്ത മുഖ്യമന്ത്രിക്കും ജനപ്രതിനിധികൾക്കും അഭിവാദ്യങ്ങൾ. നിങ്ങൾ യഥാർത്ഥത്തിൽ ഏതു ജനത്തിന്റെ പ്രതിനിധികളാണെന്ന് വീണ്ടും തെളിയിച്ചിരിക്കുന്നു..

മദ്യനിരോധനംകൊണ്ട് ടൂറിസം മേഖലയിൽ കുറഞ്ഞു പോകുമെന്ന് നിങ്ങൾ അവകാശപ്പെടുന്ന സമ്പത്ത് മദ്യത്തിന്റെ ഉപയോഗംമൂലം കുടുംബങ്ങൾക്കും സമൂഹത്തിനുമുണ്ടാകുന്ന സാമ്പത്തികമുൾപ്പെടെയുള്ള നഷ്ടത്തെക്കാൾ വലുതായിരുന്നോ!?? അയ്യോ, ക്ഷമിക്കണം, നിങ്ങൾ സമ്പത്ത് ഉണ്ടാക്കുന്നത് നാട്ടിലെ മനുഷ്യരുടെ സുസ്ഥിതിക്കുവേണ്ടിയല്ലാ, “ഭരിച്ചു”തീർക്കാൻവേണ്ടിയാണെന്നുള്ള കാര്യം പെട്ടെന്നങ്ങു മറന്നുപോയി.

പിന്നെ എണ്ണിയാലൊടുങ്ങാത്ത അന്യസംസ്ഥാന തൊഴിലാളികളുടെ മധ്യത്തിൽനിന്ന്, മദ്യനിരോധനംമൂലം ഒത്തിരിപ്പേർക്ക് തൊഴിൽ നഷ്ടപ്പെട്ട് അവരുടെ കുടുംബങ്ങൾ പട്ടിണിയിലാകുമെന്ന് പരിതപിക്കുന്ന നിങ്ങളുടെ തൊലിക്കട്ടിക്കുമുമ്പിൽ പ്രണമിക്കുന്നു..

ഇങ്ങനെയൊക്കെയാണെങ്കിലും നിങ്ങൾക്ക് ആരോടും യാതൊരു ആത്മാർത്ഥതയുമില്ലെന്നൊന്നും ഈ വാക്കുകൾക്കർത്ഥമില്ലകേട്ടോ. കൈനിറയെ കാശുതന്ന മദ്യവ്യവസായികളോടെങ്കിലും നിങ്ങൾക്ക് പ്രതിബദ്ധതയുണ്ടല്ലോ… അവിടെയും പക്ഷെ നിങ്ങൾ കൂടെനിന്ന ഒരാളുടെ കുതികാലിൽ ചവുട്ടി. കൂട്ടിൽനിന്നിറങ്ങിപ്പോകാതിരിക്കാൻ വെറുതേയൊന്നു ചവിട്ടിപ്പിടിച്ചെന്നേയുള്ളു എന്നു നിങ്ങൾ പറയുമായിരിക്കും.. അതെന്തുമാകട്ടെ, പൊതുജനം ആഗ്രഹിക്കാത്തതും, എന്നാൽ പ്രതീക്ഷിച്ചതുമായ ചുവടുവയ്പ്പുകൾതന്നെയാണ് ഇപ്പോൾ ഉണ്ടായിരിക്കുന്നത്. ഇതിനോടുള്ള പ്രതികരണം അടുത്ത തെരഞ്ഞെടുപ്പിന്റെ സമയത്ത് കാണാമെന്നു പറയാൻമാത്രം മണ്ടനൊന്നുമല്ല ഞാൻ. തെരഞ്ഞെടുപ്പിൽ ഇതൊക്കെ മറക്കാൻ പുതിയ വിഷയങ്ങൾ ഇപ്പോൾത്തന്നെ നിങ്ങൾ തയ്യാറാക്കുന്നുണ്ടാകുമല്ലോ. അതൊക്കെ ഏറ്റുപാടിയും നിങ്ങളുടെ പടങ്ങൾ ഭിത്തിയിലൊട്ടിച്ചും തമ്മിൽത്തല്ലിയും അടുത്ത തെരഞ്ഞെടുപ്പും ഞങ്ങൾ ഉഷാറാക്കുമെന്ന് ഉറപ്പുതരുന്നു…

ഏതായാലും കുടുംബദ്രോഹികളും, കെട്ടിയ പെണ്ണിനെയും ജനിപ്പിച്ച മക്കളെയും അന്തസോടെ സംരക്ഷിക്കാനുള്ള ആണത്തമില്ലാത്തവരും നാടിന്റെ ശാപങ്ങളുമായ എല്ലാ കുടിയന്മാർക്കും ഹാപ്പി ന്യൂ ഇയർ…

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )